Reading Mode Quiz Mode


Book1
121
πάντη ἀναστρωφᾶν καὶ ἀρηγέμεν, ὥς κε δύνηαι.
Book1
122
ὣς εἰπὼν κνημῖδας ὀρειχάλκοιο φαεινοῦ,
Book1
123
Ἡφαίστου κλυτὰ δῶρα, περὶ κνήμῃσιν ἔθηκεν:
Book1
124
δεύτερον αὖ θώρηκα περὶ στήθεσσιν ἔδυνε
Book1
125
καλὸν χρύσειον πολυδαίδαλον, ὅν οἱ ἔδωκε
Book1
126
Παλλὰς Ἀθηναίη, κούρη Διός, ὁππότ᾽ ἔμελλε
Book1
127
τὸ πρῶτον στονόεντας ἐφορμήσεσθαι ἀέθλους.
Book1
128
θήκατο δ᾽ ἀμφ᾽ ὤμοισιν ἀρῆς ἀλκτῆρα σίδηρον
Book1
129
δεινὸς ἀνήρ: κοΐλην δὲ περὶ στήθεσσι φαρέτρην
Book1
130
καββάλετ᾽ ἐξόπιθεν: πολλοὶ δ᾽ ἔντοσθεν ὀιστοὶ
Book1
131
ῥιγηλοί, θανάτοιο λαθιφθόγγοιο δοτῆρες.
Book1
132
πρόσθεν μὲν θάνατόν τ᾽ εἶχον καὶ δάκρυσι μῦρον,
Book1
133
μέσσοι δὲ ξεστοί, περιμήκεες, αὐτὰρ ὄπισθε
Book1
134
μόρφνοιο φλεγύαο καλυπτόμενοι πτερύγεσσιν.
Book1
135
εἵλετο δ᾽ ὄβριμον ἔγχος, ἀκαχμένον αἴθοπι χαλκῷ,
Book1
136
κρατὶ δ᾽ ἔπ᾽ ἰφθίμῳ κυνέην ἐύτυκτον ἔθηκε,
Book1
137
δαιδαλέην ἀδάμαντος, ἐπὶ κροτάφοις ἀραρυῖαν,
Book1
138
ἥτ᾽ εἴρυτο κάρη Ἡρακλῆος θείοιο.
Book1
139
χερσί γε μὴν σάκος εἷλε παναίολον, οὐδέ τις αὐτὸ
Book1
140
οὔτ᾽ ἔρρηξε βαλὼν οὔτ᾽ ἔθλασε, θαῦμα ἰδέσθαι.
Book1
141
πᾶν μὲν γὰρ κύκλῳ τιτάνῳ λευκῷ τ᾽ ἐλέφαντι
Book1
142
ἠλέκτρῳ θ᾽ ὑπολαμπὲς ἔην χρυσῷ τε φαεινῷ
Book1
143
λαμπόμενον, κυάνου δὲ διὰ πτύχες ἠλήλαντο.
Book1
144
ἐν μέσσῳ δ᾽ ἀδάμαντος ἔην Φόβος οὔ τι φατειός,
Book1
145
ἔμπαλιν ὄσσοισιν πυρὶ λαμπομένοισι δεδορκώς:
Book1
146
τοῦ καὶ ὀδόντων μὲν πλῆτο στόμα λευκὰ θεόντων,
Book1
147
δεινῶν ἀπλήτων, ἐπὶ δὲ βλοσυροῖο μετώπου
Book1
148
δεινὴ Ἔρις πεπότητο κορύσσουσα κλόνον ἀνδρῶν,
Book1
149
σχετλίη, ῥα νόον τε καὶ ἐκ φρένας εἵλετο φωτῶν.
Book1
150
οἵτινες ἀντιβίην πόλεμον Διὸς υἷι φέροιεν.


Hesiod. The Homeric Hymns and Homerica with an English Translation by Hugh G. Evelyn-White. Shield of Heracles. Cambridge, MA.,Harvard University Press; London, William Heinemann Ltd. 1914.
The Annenberg CPB/Project provided support for entering this text.
XML for this text provided by Trustees of Tufts University Perseus Project