Reading Mode Quiz Mode


Book1
211
νηχομένοις ἴκελοι: ] δοιὼ δ᾽ ἀναφυσιόωντες
Book1
212
ἀργύρεοι δελφῖνες ἐθοινῶντ᾽ ἔλλοπας ἰχθῦς.
Book1
213
τῶν δ᾽ ὕπο χάλκειοι τρέον ἰχθύες: αὐτὰρ ἐπ᾽ ἀκταῖς
Book1
214
ἧστο ἀνὴρ ἁλιεὺς δεδοκημένος: εἶχε δὲ χερσὶν
Book1
215
ἰχθύσιν ἀμφίβληστρον ἀπορρίψοντι ἐοικώς.
Book1
216
Book1
216
Book1
216
ἐν δ᾽ ἦν ἠυκόμου Δανάης τέκος, ἱππότα Περσεύς,
Book1
217
οὔτ᾽ ἄρ᾽ ἐπιψαύων σάκεος ποσὶν οὔθ᾽ ἑκὰς αὐτοῦ,
Book1
218
θαῦμα μέγα φράσσασθ᾽, ἐπεὶ οὐδαμῇ ἐστήρικτο.
Book1
219
τὼς γάρ μιν παλάμαις τεῦξεν κλυτὸς Ἀμφιγυήεις
Book1
220
χρύσεον: ἀμφὶ δὲ ποσσὶν ἔχεν πτερόεντα πέδιλα.
Book1
221
ὤμοισιν δέ μιν ἀμφὶ μελάνδετον ἆορ ἔκειτο
Book1
222
χαλκέου ἐκ τελαμῶνος: δ᾽ ὥς τε νόημ᾽ ἐποτᾶτο:
Book1
223
πᾶν δὲ μετάφρενον εἶχε κάρη δεινοῖο πελώρου,
Book1
224
Γοργοῦς: ἀμφὶ δέ μιν κίβισις θέε, θαῦμα ἰδέσθαι,
Book1
225
ἀργυρέη: θύσανοι δὲ κατῃωρεῦντο φαεινοὶ
Book1
226
χρύσειοι: δεινὴ δὲ περὶ κροτάφοισιν ἄνακτος
Book1
227
κεῖτ᾽ Ἄιδος κυνέη νυκτὸς ζόφον αἰνὸν ἔχουσα.
Book1
228
αὐτὸς δὲ σπεύδοντι καὶ ἐρρίγοντι ἐοικὼς
Book1
229
Περσεὺς Δαναΐδης ἐτιταίνετο. ταὶ δὲ μετ᾽ αὐτὸν
Book1
230
Γοργόνες ἄπλητοί τε καὶ οὐ φαταὶ ἐρρώοντο
Book1
231
ἱέμεναι μαπέειν. ἐπὶ δὲ χλωροῦ ἀδάμαντος
Book1
232
βαινουσέων ἰάχεσκε σάκος μεγάλῳ ὀρυμαγδῷ
Book1
233
ὀξέα καὶ λιγέως: ἐπὶ δὲ ζώνῃσι δράκοντε
Book1
234
δοιὼ ἀπῃωρεῦντ᾽ ἐπικυρτώοντε κάρηνα.
Book1
235
λίχμαζον δ᾽ ἄρα τώ γε: μένει δ᾽ ἐχάρασσον ὀδόντας
Book1
236
ἄγρια δερκομένω. ἐπὶ δὲ δεινοῖσι καρήνοις
Book1
237
Γοργείοις ἐδονεῖτο μέγας Φόβος. οἳ δ᾽ ὑπὲρ αὐτέων
Book1
238
ἄνδρες ἐμαρνάσθην πολεμήια τεύχε᾽ ἔχοντες,
Book1
239
τοὶ μὲν ὑπὲρ σφετέρης πόλιος σφετέρων τε τοκήων
Book1
240
λοιγὸν ἀμύνοντες, τοὶ δὲ πραθέειν μεμαῶτες.


Hesiod. The Homeric Hymns and Homerica with an English Translation by Hugh G. Evelyn-White. Shield of Heracles. Cambridge, MA.,Harvard University Press; London, William Heinemann Ltd. 1914.
The Annenberg CPB/Project provided support for entering this text.
XML for this text provided by Trustees of Tufts University Perseus Project