Reading Mode Quiz Mode


antistrophe5
Χορός
antistrophe5
595
ὑπ᾽ ἀρχᾶς δ᾽ οὔ τινος θοάζων
antistrophe5
596
τὸ μεῖον κρεισσόνων κρατύνει.
antistrophe5
597
οὔτινος ἄνωθεν ἡμένου σέβει κράτη.
antistrophe5
598
πάρεστι δ᾽ ἔργον ὡς ἔπος
antistrophe5
599
σπεῦσαί τι τῶν βούλιος φέρει φρήν.
antistrophe5
600
Δαναός
600
θαρσεῖτε παῖδες. εὖ τὰ τῶν ἐγχωρίων:
601
δήμου δέδοκται παντελῆ ψηφίσματα.
Χορός
602
χαῖρε πρέσβυ, φίλτατ᾽ ἀγγέλλων ἐμοί
603
ἔνισπε δ᾽ ἡμῖν ποῖ κεκύρωται τέλος,
604
δήμου κρατοῦσα χεὶρ ὅπῃ πληθύνεται.
Δαναός
605
ἔδοξεν Ἀργείοισιν οὐ διχορρόπως,
606
ἀλλ᾽ ὥστ᾽ ἀνηβῆσαί με γηραιᾷ φρενί:
607
πανδημίᾳ γὰρ χερσὶ δεξιωνύμοις
608
ἔφριξεν αἰθὴρ τόνδε κραινόντων λόγον:
609
ἡμᾶς μετοικεῖν τῆσδε γῆς ἐλευθέρους
610
κἀρρυσιάστους ξύν τ᾽ ἀσυλίᾳ βροτῶν:
611
καὶ μήτ᾽ ἐνοίκων μήτ᾽ ἐπηλύδων τινὰ
612
ἄγειν: ἐὰν δὲ προστιθῇ τὸ καρτερόν,
613
τὸν μὴ βοηθήσαντα τῶνδε γαμόρων
614
ἄτιμον εἶναι ξὺν φυγῇ δημηλάτῳ.
615
τοιάνδ᾽ ἔπειθεν ῥῆσιν ἀμφ᾽ ἡμῶν λέγων
616
ἄναξ Πελασγῶν, ἱκεσίου Ζηνὸς κότον
617
μέγαν προφωνῶν μήποτ᾽ εἰσόπιν χρόνου
618
πόλιν παχῦναι, ξενικὸν ἀστικόν θ᾽ ἅμα
619
λέγων διπλοῦν μίασμα πρὸ πόλεως φανὲν
620
ἀμήχανον βόσκημα πημονῆς πέλειν.
621
τοιαῦτ᾽ ἀκούων χερσὶν Ἀργεῖος λεὼς
622
ἔκραν᾽ ἄνευ κλητῆρος ὡς εἶναι τάδε.
623
δημηγόρους δ᾽ ἤκουσεν εὐπιθὴς στροφὰς
624
δῆμος Πελασγῶν: Ζεὺς δ᾽ ἐπέκρανεν τέλος
625


Aeschylus. Aeschylus, with an English translation by Herbert Weir Smyth, Ph. D. in two volumes. 1.Suppliant Women. Cambridge. Cambridge, Mass., Harvard University Press; London, William Heinemann, Ltd. 1926.
The Annenberg CPB/Project provided support for entering this text.
XML for this text provided by Trustees of Tufts University Perseus Project