Reading Mode Quiz Mode


152
βασίλεια δ᾽ ἐμή: προσπίτνω:
153
καὶ προσφθόγγοις δὲ χρεὼν αὐτὴν
154
πάντας μύθοισι προσαυδᾶν.
155
Χορός
155
βαθυζώνων ἄνασσα Περσίδων ὑπερτάτη,
156
μῆτερ Ξέρξου γεραιά, χαῖρε, Δαρείου γύναι:
157
θεοῦ μὲν εὐνάτειρα Περσῶν, θεοῦ δὲ καὶ μήτηρ ἔφυς,
158
εἴ τι μὴ δαίμων παλαιὸς νῦν μεθέστηκε στρατῷ.
159
Ἄτοσσα
159
ταῦτα δὴ λιποῦσ᾽ ἱκάνω χρυσεοστόλμους δόμους
160
καὶ τὸ Δαρείου τε κἀμὸν κοινὸν εὐνατήριον.
161
κἀμὲ καρδίαν ἀμύσσει φροντίς: ἐς δ᾽ ὑμᾶς ἐρῶ
162
μῦθον οὐδαμῶς ἐμαυτῆς οὖσ᾽ ἀδείμαντος, φίλοι,
163
μὴ μέγας πλοῦτος κονίσας οὖδας ἀντρέψῃ ποδὶ
164
ὄλβον, ὃν Δαρεῖος ἦρεν οὐκ ἄνευ θεῶν τινος.
165
ταῦτά μοι διπλῆ μέριμνα φραστός ἐστιν ἐν φρεσίν,
166
μήτε χρημάτων ἀνάνδρων πλῆθος ἐν τιμῇ σέβειν
167
μήτ᾽ ἀχρημάτοισι λάμπειν φῶς ὅσον σθένος πάρα.
168
ἔστι γὰρ πλοῦτός γ᾽ ἀμεμφής, ἀμφὶ δ᾽ ὀφθαλμῷ φόβος:
169
ὄμμα γὰρ δόμων νομίζω δεσπότου παρουσίαν.
170
πρὸς τάδ᾽ ὡς οὕτως ἐχόντων τῶνδε, σύμβουλοι λόγου
171
τοῦδέ μοι γένεσθε, Πέρσαι, γηραλέα πιστώματα:
172
πάντα γὰρ τὰ κέδν᾽ ἐν ὑμῖν ἐστί μοι βουλεύματα.
Χορός
173
εὖ τόδ᾽ ἴσθι, γῆς ἄνασσα τῆσδε, μή σε δὶς φράσαι
174
μήτ᾽ ἔπος μήτ᾽ ἔργον ὧν ἂν δύναμις ἡγεῖσθαι θέλῃ:
175
εὐμενεῖς γὰρ ὄντας ἡμᾶς τῶνδε συμβούλους καλεῖς.
176
Ἄτοσσα
176
πολλοῖς μὲν αἰεὶ νυκτέροις ὀνείρασιν
177
ξύνειμ᾽, ἀφ᾽ οὗπερ παῖς ἐμὸς στείλας στρατὸν
178
Ἰαόνων γῆν οἴχεται πέρσαι θέλων:
179
ἀλλ᾽ οὔτι πω τοιόνδ᾽ ἐναργὲς εἰδόμην
180
ὡς τῆς πάροιθεν εὐφρόνης: λέξω δέ σοι.
181
ἐδοξάτην μοι δύο γυναῖκ᾽ εὐείμονε,


Aeschylus. Aeschylus, with an English translation by Herbert Weir Smyth, Ph. D. in two volumes. 1.Persians. Cambridge. Cambridge, Mass., Harvard University Press; London, William Heinemann, Ltd. 1926.
The Annenberg CPB/Project provided support for entering this text.
XML for this text provided by Trustees of Tufts University Perseus Project