Reading Mode Quiz Mode


strophe7
1164
πέπληγμαι δ᾽ ὑπαὶ δάκει φοινίῳ
strophe7
1165
δυσαλγεῖ τύχᾳ μινυρὰ [κακὰ] θρεομένας,
strophe7
1166
θραύματ᾽ ἐμοὶ κλύειν.
strophe7
1167
antistrophe7
Κασάνδρα
antistrophe7
1167
ἰὼ πόνοι πόνοι πόλεος ὀλομένας τὸ πᾶν.
antistrophe7
1168
ἰὼ πρόπυργοι θυσίαι πατρὸς
antistrophe7
1169
πολυκανεῖς βοτῶν ποιονόμων: ἄκος δ᾽
antistrophe7
1170
οὐδὲν ἐπήρκεσαν
antistrophe7
1171
τὸ μὴ πόλιν μὲν ὥσπερ οὖν ἔχει παθεῖν.
antistrophe7
1172
ἐγὼ δὲ θερμόνους τάχ᾽ ἐν πέδῳ βαλῶ.
antistrophe7
Χορός
antistrophe7
1173
ἑπόμενα προτέροισι τάδ᾽ ἐφημίσω.
antistrophe7
1174
καί τίς σε κακοφρονῶν τίθη-
antistrophe7
1175
σι δαίμων ὑπερβαρὴς ἐμπίτνων
antistrophe7
1176
μελίζειν πάθη γοερὰ θανατοφόρα.
antistrophe7
1177
τέρμα δ᾽ ἀμηχανῶ.
antistrophe7
1178
Κασάνδρα
1178
καὶ μὴν χρησμὸς οὐκέτ᾽ ἐκ καλυμμάτων
1179
ἔσται δεδορκὼς νεογάμου νύμφης δίκην:
1180
λαμπρὸς δ᾽ ἔοικεν ἡλίου πρὸς ἀντολὰς
1181
πνέων ἐσᾴξειν, ὥστε κύματος δίκην
1182
κλύζειν πρὸς αὐγὰς τοῦδε πήματος πολὺ
1183
μεῖζον: φρενώσω δ᾽ οὐκέτ᾽ ἐξ αἰνιγμάτων.
1184
καὶ μαρτυρεῖτε συνδρόμως ἴχνος κακῶν
1185
ῥινηλατούσῃ τῶν πάλαι πεπραγμένων.
1186
τὴν γὰρ στέγην τήνδ᾽ οὔποτ᾽ ἐκλείπει χορὸς
1187
ξύμφθογγος οὐκ εὔφωνος: οὐ γὰρ εὖ λέγει.
1188
καὶ μὴν πεπωκώς γ᾽, ὡς θρασύνεσθαι πλέον,
1189
βρότειον αἷμα κῶμος ἐν δόμοις μένει,
1190
δύσπεμπτος ἔξω, συγγόνων Ἐρινύων.
1191
ὑμνοῦσι δ᾽ ὕμνον δώμασιν προσήμεναι
1192
πρώταρχον ἄτην: ἐν μέρει δ᾽ ἀπέπτυσαν
1193
εὐνὰς ἀδελφοῦ τῷ πατοῦντι δυσμενεῖς.


Aeschylus. Aeschylus, with an English translation by Herbert Weir Smyth, Ph. D. in two volumes. 2.Agamemnon. Cambridge. Cambridge, Mass., Harvard University Press; London, William Heinemann, Ltd. 1926.
XML for this text provided by Trustees of Tufts University Medford, MA