Reading Mode Quiz Mode


308
φλέγουσαν: ἔστ᾽ ἔσκηψεν εὖτ᾽ ἀφίκετο
309
Ἀραχναῖον αἶπος, ἀστυγείτονας σκοπάς:
310
κἄπειτ᾽ Ἀτρειδῶν ἐς τόδε σκήπτει στέγος
311
φάος τόδ᾽ οὐκ ἄπαππον Ἰδαίου πυρός.
312
τοιοίδε τοί μοι λαμπαδηφόρων νόμοι,
313
ἄλλος παρ᾽ ἄλλου διαδοχαῖς πληρούμενοι:
314
νικᾷ δ᾽ πρῶτος καὶ τελευταῖος δραμών.
315
τέκμαρ τοιοῦτον σύμβολόν τέ σοι λέγω
316
ἀνδρὸς παραγγείλαντος ἐκ Τροίας ἐμοί.
Χορός
317
θεοῖς μὲν αὖθις, γύναι, προσεύξομαι.
318
λόγους δ᾽ ἀκοῦσαι τούσδε κἀποθαυμάσαι
319
διηνεκῶς θέλοιμ᾽ ἂν ὡς λέγοις πάλιν.
320
Κλυταιμήστρα
320
Τροίαν Ἀχαιοὶ τῇδ᾽ ἔχουσ᾽ ἐν ἡμέρᾳ.
321
οἶμαι βοὴν ἄμεικτον ἐν πόλει πρέπειν.
322
ὄξος τ᾽ ἄλειφά τ᾽ ἐγχέας ταὐτῷ κύτει
323
διχοστατοῦντ᾽ ἄν, οὐ φίλω, προσεννέποις.
324
καὶ τῶν ἁλόντων καὶ κρατησάντων δίχα
325
φθογγὰς ἀκούειν ἔστι συμφορᾶς διπλῆς.
326
οἱ μὲν γὰρ ἀμφὶ σώμασιν πεπτωκότες
327
ἀνδρῶν κασιγνήτων τε καὶ φυταλμίων
328
παῖδες γερόντων οὐκέτ᾽ ἐξ ἐλευθέρου
329
δέρης ἀποιμώζουσι φιλτάτων μόρον:
330
τοὺς δ᾽ αὖτε νυκτίπλαγκτος ἐκ μάχης πόνος
331
νήστεις πρὸς ἀρίστοισιν ὧν ἔχει πόλις
332
τάσσει, πρὸς οὐδὲν ἐν μέρει τεκμήριον,
333
ἀλλ᾽ ὡς ἕκαστος ἔσπασεν τύχης πάλον.
334
ἐν <δ᾽ > αἰχμαλώτοις Τρωικοῖς οἰκήμασιν
335
ναίουσιν ἤδη, τῶν ὑπαιθρίων πάγων
336
δρόσων τ᾽ ἀπαλλαγέντες, ὡς δ᾽ εὐδαίμονες
337
ἀφύλακτον εὑδήσουσι πᾶσαν εὐφρόνην.


Aeschylus. Aeschylus, with an English translation by Herbert Weir Smyth, Ph. D. in two volumes. 2.Agamemnon. Cambridge. Cambridge, Mass., Harvard University Press; London, William Heinemann, Ltd. 1926.
XML for this text provided by Trustees of Tufts University Medford, MA