Reading Mode Quiz Mode


918
καὶ τἄλλα μὴ γυναικὸς ἐν τρόποις ἐμὲ
919
ἅβρυνε, μηδὲ βαρβάρου φωτὸς δίκην
920
χαμαιπετὲς βόαμα προσχάνῃς ἐμοί,
921
μηδ᾽ εἵμασι στρώσασ᾽ ἐπίφθονον πόρον
922
τίθει: θεούς τοι τοῖσδε τιμαλφεῖν χρεών:
923
ἐν ποικίλοις δὲ θνητὸν ὄντα κάλλεσιν
924
βαίνειν ἐμοὶ μὲν οὐδαμῶς ἄνευ φόβου.
925
λέγω κατ᾽ ἄνδρα, μὴ θεόν, σέβειν ἐμέ.
926
χωρὶς ποδοψήστρων τε καὶ τῶν ποικίλων
927
κληδὼν ἀυτεῖ: καὶ τὸ μὴ κακῶς φρονεῖν
928
θεοῦ μέγιστον δῶρον. ὀλβίσαι δὲ χρὴ
929
βίον τελευτήσαντ᾽ ἐν εὐεστοῖ φίλῃ.
930
εἰ πάντα δ᾽ ὣς πράσσοιμ᾽ ἄν, εὐθαρσὴς ἐγώ.
Κλυταιμήστρα
931
καὶ μὴν τόδ᾽ εἰπὲ μὴ παρὰ γνώμην ἐμοί.
Ἀγαμέμνων
932
γνώμην μὲν ἴσθι μὴ διαφθεροῦντ᾽ ἐμέ.
Κλυταιμήστρα
933
ηὔξω θεοῖς δείσας ἂν ὧδ᾽ ἔρδειν τάδε.
Ἀγαμέμνων
934
εἴπερ τις, εἰδώς γ᾽ εὖ τόδ᾽ ἐξεῖπον τέλος.
Κλυταιμήστρα
935
τί δ᾽ ἂν δοκεῖ σοι Πρίαμος, εἰ τάδ᾽ ἤνυσεν;
Ἀγαμέμνων
936
ἐν ποικίλοις ἂν κάρτα μοι βῆναι δοκεῖ.
Κλυταιμήστρα
937
μή νυν τὸν ἀνθρώπειον αἰδεσθῇς ψόγον.
Ἀγαμέμνων
938
φήμη γε μέντοι δημόθρους μέγα σθένει.
Κλυταιμήστρα
939
δ᾽ ἀφθόνητός γ᾽ οὐκ ἐπίζηλος πέλει.
Ἀγαμέμνων
940
οὔτοι γυναικός ἐστιν ἱμείρειν μάχης.
Κλυταιμήστρα
941
τοῖς δ᾽ ὀλβίοις γε καὶ τὸ νικᾶσθαι πρέπει.
Ἀγαμέμνων
942
καὶ σὺ νίκην τήνδε δήριος τίεις;
Κλυταιμήστρα
943
πιθοῦ: κράτος μέντοι πάρες γ᾽ ἑκὼν ἐμοί.
944
Ἀγαμέμνων
944
ἀλλ᾽ εἰ δοκεῖ σοι ταῦθ᾽, ὑπαί τις ἀρβύλας
945
λύοι τάχος, πρόδουλον ἔμβασιν ποδός.
946
καὶ τοῖσδέ μ᾽ ἐμβαίνονθ᾽ ἁλουργέσιν θεῶν
947
μή τις πρόσωθεν ὄμματος βάλοι φθόνος.


Aeschylus. Aeschylus, with an English translation by Herbert Weir Smyth, Ph. D. in two volumes. 2.Agamemnon. Cambridge. Cambridge, Mass., Harvard University Press; London, William Heinemann, Ltd. 1926.
XML for this text provided by Trustees of Tufts University Medford, MA