Reading Mode Quiz Mode


Book1
514
horridus observo. Nescis, temeraria, nescis
Book1
515
quem fugias, ideoque fugis. Mihi Delphica tellus
Book1
516
et Claros et Tenedos Patareaque regia servit,
Book1
517
Iuppiter est genitor; per me quod eritque fuitque
Book1
518
estque patet; per me concordant carmina nervis.
Book1
519
Certa quidem nostra est, nostra tamen una sagitta
Book1
520
certior, in vacuo quae vulnera pectore fecit.
Book1
521
Inventum medicina meum est, opiferque per orbem
Book1
522
dicor, et herbarum subiecta potentia nobis:
Book1
523
ei mihi, quod nullis amor est sanabilis herbis
Book1
524
nec prosunt domino, quae prosunt omnibus, artes.”
Book1
525
Book1
Book1
525
Plura locuturum timido Peneia cursu
Book1
526
fugit cumque ipso verba inperfecta reliquit,
Book1
527
tum quoque visa decens. Nudabant corpora venti,
Book1
528
obviaque adversas vibrabant flamina vestes,
Book1
529
et levis inpulsos retro dabat aura capillos,
Book1
530
auctaque forma fuga est. Sed enim non sustinet ultra
Book1
531
perdere blanditias iuvenis deus, utque monebat
Book1
532
ipse Amor, admisso sequitur vestigia passu.
Book1
533
Ut canis in vacuo leporem cum Gallicus arvo
Book1
534
vidit, et hic praedam pedibus petit, ille salutem:
Book1
535
alter inhaesuro similis iam iamque tenere
Book1
536
sperat et extento stringit vestigia rostro,
Book1
537
alter in ambiguo est, an sit conprensus, et ipsis
Book1
538
morsibus eripitur tangentiaque ora relinquit:
Book1
539
sic deus et virgo est hic spe celer, illa timore.
Book1
540
Qui tamen insequitur pennis adiutus Amoris,
Book1
541
ocior est requiemque negat tergoque fugacis
Book1
542
inminet et crinem sparsum cervicibus adflat.
Book1
543
Viribus absumptis expalluit illa citaeque


Ovid. Metamorphoses. Hugo Magnus. Gotha (Germany). Friedr. Andr. Perthes. 1892.
The National Endowment for the Humanities provided support for entering this text.
XML for this text provided by Trustees of Tufts University Perseus Project