Reading Mode Quiz Mode


Book1
634
Illa etiam supplex Argo cum bracchia vellet
Book1
635
tendere, non habuit, quae bracchia tenderet Argo,
Book1
636
et conata queri mugitus edidit ore
Book1
637
pertimuitque sonos propriaque exterrita voce est.
Book1
Book1
Book1
638
Venit et ad ripas, ubi ludere saepe solebat,
Book1
639
Inachidas ripas; novaque ut conspexit in unda
Book1
640
cornua, pertimuit seque exsternata refugit.
Book1
641
Naides ignorant, ignorat et Inachus ipse,
Book1
642
quae sit; at illa patrem sequitur sequiturque sorores
Book1
643
et patitur tangi seque admirantibus offert.
Book1
644
Decerptas senior porrexerat Inachus herbas:
Book1
645
illa manus lambit patriisque dat oscula palmis
Book1
646
nec retinet lacrimas et, si modo verba sequantur,
Book1
647
oret opem nomenque suum casusque loquatur.
Book1
648
Littera pro verbis, quam pes in pulvere duxit,
Book1
649
corporis indicium mutati triste peregit.
Book1
650
Book1
Book1
650
Me miserum!” exclamat pater Inachus inque gementis
Book1
651
cornibus et niveae pendens cervice iuvencae
Book1
652
me miserum!” ingeminat, “tune es quaesita per omnes
Book1
653
nata, mihi terras? tu non inventa reperta
Book1
654
luctus eras levior. Retices nec mutua nostris
Book1
655
dicta refers, alto tantum suspiria ducis
Book1
656
pectore, quodque unum potes, ad mea verba remugis.
Book1
657
At tibi ego ignarus thalamos taedasque parabam,
Book1
658
spesque fuit generi mihi prima, secunda nepotum.
Book1
659
De grege nunc tibi vir, nunc de grege natus habendus.
Book1
660
Nec finire licet tantos mihi morte dolores,
Book1
661
sed nocet esse deum, praeclusaque ianua leti
Book1
662
aeternum nostros luctus extendit in aevum?”
Book1
Book1
Book1
663
Talia maerentem stellatus submovet Argus


Ovid. Metamorphoses. Hugo Magnus. Gotha (Germany). Friedr. Andr. Perthes. 1892.
The National Endowment for the Humanities provided support for entering this text.
XML for this text provided by Trustees of Tufts University Perseus Project